ياكتاب مسطور بحروف الشر
أنا قلبى اتضر
بتشوه صورتى..
وعنوانى..
بيضيع مضطر..
علشان أتنفس أطاطيلك
وأدوق المر!!
ولحد ماأوصل لربيعى
ويلحقنى البر..
حأفضل أتعرى وأوريهم
علامات الصبر
ويسحرهم حلمى المتعلق
برجول الصقر-
(الناس اللى انا بينى وبينهم..
"دوامة بحر")
البنت الواقفه بتتعايق
بمراية الفقر..
لمان بأحضنها بتتضايق
من سيرة المهر
(فيضان من دمى يخليهم..
يرموها فى البحر
)
.
.
الاثنين, 26 ديسمبر, 2011
الجمعة, 18 يونيو, 2010
حيران فى عيون لا بتهوانىولا سايبانى أبعد وأتوبوبأدوب فى قلوب مش عارفا نىولا هىّ قلوب********باكتب وبأدور على بكرهمش عارف ليه تايهه الفكرهطول عمرى انا عايش ع الذكرى ودايما مغلوب******* يازمن متحسر متكسرالسهل فى حضنك متعسرطبعا بتغالط وتهزرعامل مجزوب***********والدنيا دى فى عيونك جنهوالشوق فى عيونى مايستنىبأدعيلك تعشق تتهنىوانا والله بأدوب**********يا عيون مليانه بأغانىّياحروف بدموع متحنيهمحتاج للنور والحريهوصوت المحبوب*********** 
السبت, 18 اكتوبر, 2008
ضمينى اليك وردينى
رقصتنا تلك تحاكينى
جسد والروح معلقة
بخطى تمتزج بتكوينى
ضحك الحركات يداعبنى
لاشىء اليوم يبكّينى
تنصهر الايدى وتنساق
كخيوط بل كثعابين
تتلاقى الاعين كمياه ال..
نهرين تلاقت..اترينى؟
طيرى من فوقى وتخلى
عن جذب الارض وشدينى
واهوى كالموج على قدمى
مربوط شعرك بيمينى
ملهاة الزحف ستأخذك
لعناق الارض وتنسينى
هبى كرياح منهكة
واندفعى نحوى ..ودعينى
فدوام الحال برقصتنا
كالنار بقرب البنزين
الاثنين, 08 سبتمبر, 2008
بحبك ولكن00تضيع الاماكن
ونفضل نعاند00قدرنا اللى ساكن
قلوبنا ونفضل00
نبيع المشاعر!!00
ولو كنت شاعر00
بلهفه ف عينيكى00
غير انى ماباقدر
اكونلك مخادع
واكدب عليكى
بحبك ولكن00
ده فوق السطور
واكون فى الروايه
بطلها الجسور
واجسد فى ماضى
وقلبى اللى فاضى
يحبك ولكن00
هواكى يغووووور
السبت, 06 اكتوبر, 2007
سجدت للبحر ليمنحها
فرس ولجام
ومضت تتخفى بقافيتك
تهجو الايام
ما عاد الفجر يعانقها
تبكى فتنام
************
يهتز البحر لاشرعتك
تحبو الاحلام
لتغوص بداخل محبرتك
تنثر اثام
ماكان لقلبك ان ينبض
والعشق حرام
*************
غوغاء النسوة مابين ال
مغرب والشام
وهتاف ضعاف قد الفوا
ظلم الحكام
كل بدمائك يمشون
خلف الاصنام
**************
ماساتك تكمن فى جوفك
ليست بطعام
ليست بذنوب يمحوها
حج وصيام
"قوم خدعوك ودعواهم
كفر وظلام"
***************
لسنا عشاق للفوضى
خرب بنظام
فبلاد الشرق مقسمة
قتلى ونيام
*****************
الثلاثاء, 04 سبتمبر, 2007
شيل من جواك حزنك بىّ
اغسل فى جراحك بدموعى
ياسراب مالهوش غير قلبى مكان
صوتك بيعجل فى رجوعى
****************
وانا كل مااموت ارجع تانى؟
وتعزف بدموعك الحانى؟
همساتك بتصحى جراحى
وتزيد فى عذابى واحزانى
نغماتى بتهرب من جواى
والصمت ضباب 00مدسوس فى كتاب
مشتاق للقاك يرمى فى ايدك00
ريشه والوان!!
اه ع الاحباب
الدنيا تشيلهم00 ترميهم
ونصيب غلاب000
يصطاد الضحكه ال فى عيونك
!!ياخد الاحباب
ياقدر كداب:
قلقانى البسمه اللى فى ايدك
عارفك قلاّب
شايل فى جرابك مواويلك
واهو سهمك صاب
السبت, 02 يونيو, 2007
يمر الزمان على ضفتيك
وقلبى يعابث جرح المساء
اراكى تريقين شكوى ابتعادى
وروحى رماها اشتياق اللقاء
اراكى بقلبى واعشق فيك
عيونا تعلم حب البقاء
وتحرق كل الهواجس فىّ
وتجرفنى نحوها للضياء
بقدر اندفاعك نحوى احبك
فلا تظهرين ككل النساء
يثور الجحيم اذا ما ترائى
له مافعلت بنجم السماء
عشقتك دوما بما انت فيه
عرفت بقربك معنى الهناء
فهاتى يديك لنرسم فجرا
وبيتا وجسر وزرع وماء
وكونى بقربى امتدادا لذاتى
فدونك عمرى هباء00هباء
الاربعاء, 31 يناير, 2007
هذا هو الفرق بين صدام وخصومه
الاحد, 21 يناير, 2007
باصرخ والناس مش سامعانى
مخنوق م الغربه ف اوطانى
وجسور من نور مش علشانى
بتمد لسانها00بتنسانى
***************
ملعونه اللقمه المتعاصه
بدمك ياضمير
ملعونه العيشه المحتاسه
بنوايه وزير
وضباب فى كتاب عدّله سيده
قال ايه00دستور
خضيتنى ياوالدى بالاعيبك
بان المستور
لوعاش السبع بمحاذيرك
راح يصبح تور
السبت, 21 اكتوبر, 2006
والف وادور باحلامى
ماشوف غير حيره قدامى
بتهرب فرحتى منى
وانا عايش فى اوهامى
*********
ياجنيه ياملهيه ف00
عاشق صبابه لعيونك
انا المحتار وانا العاشق
جمال ضيك00عاشق لونك
وانا ليلك وانا المصباح
يهيج بحرك وانا ملاح
ادوب فيكى00
واناديكى00
واكون ليكى شاعر مداح
انا الشاطر ياست الحسن
فى بستانك مجرد غصن
وانا البذره00
وانا الفلاح
باشوف خدك كما التفاح
عاشق مجنون
وشايف الكون
فى ننى عنيكى برديه
كاتب فيها00
غزل وشجون
ياغنوة حب ورديه
ومنك اه00باقول الاه00
يزيد حسنك مسا وصباح
كونى لقلبى00يزيد حبى
وليالينا00
تكون افراح
الاثنين, 09 اكتوبر, 2006
وداعك كان بينى وبينك00
عشان ركبوك وناهبينك
بلاش تخرج تقول فينك
كفايه عليك منافقينك
**********
بينى وبينك 00انا مليت
وعود مشكاح ونفسى فى بيت
رافض اتزل ع الفتافيت
خارج من عش مجانينك
***********
لا يوم حابكى على بعادك
ولا اتصعب على رقادك
بلاش تحلف بامجادك00
عشان جوعك كاسر عينك
الجمعة, 29 سبتمبر, 2006
لا ياعم الجيش تشكر
ملينا حكم العسكر
فى الكرسى اوعى تفكر
دى بلدنا زى السكر
نفسى اصوت لما اكبر
وبحريه اقدر اعبر
واخلى الاصفر اخضر
ايمن نور قالها وكرر
ياظالم 00الله اكبر
الاثنين, 04 سبتمبر, 2006
اى شىء ضاع منا؟
ارجعى من حيث جئنا
فتشى بين الليالى
عن مشاعرنا وعنا
عن بريق الماض فينا
عن ثراب فيه ضعنا
دون ذكرى للزمان
ليس للايام معنى
الاثنين, 04 سبتمبر, 2006
بين الدموع دى والنهار
كان القلم ساذج حمار
عمال بيسطر كل حرف
صدق مره وكدب الف
قدام عينيك وقف الغبار
وقف القلم كيف الحمار
وقعدت تبكى00
لساك بتبكى؟؟
وبتطفى شمعك بالدموع؟
حزنك فى حضنك كيف ضناك
سمك فى كاسك00طال شقاك
مانا قلتلك00
الفرحه دى ماعادتش ليك
سيبت حجرك من ايديك
ضحكت الدنيا عليك!!
السبت, 26 اغسطس, 2006
ماشى بعكس الريح
تصرخ وباستفزاز00
حلمى حرام يتصلب00
يتحط فى البرواز
والحلم صوره وقلم00
سيبك من الالغاز
قالو ما يخشى الحصى
غير اللى بيته قزاز
ده اللغز ثوره ف ماضينا
محفوره ع التلفاز
الاسم نهضة عروبه
والوصف خط نشاذ
ملعونه ثورة مبارك
حرقت بلدنا بجاز
الثلاثاء, 27 يونيو, 2006
دنا منك ثم انحنى للدموع
وعاد يسب الضياء المرير
ليحظى بخمر الحروف العتيق
ويرمى بكاسه نحو الجنوب
فترمى براسك خلف الجدار
وقد لا تبال بتلك العيون
لعلك تغدو كبركان عشق
لاصرخ فيهم فلا يسمعون
تعود لتحمل راسا ثقيلا
يداعب شعره ذاك المشيب
لتبكى وحيدا كذئب عجوز
فلا من سميع ولا من مجيب
**************
اعادت هناء لكى تصطفيك
المقادير جرحا لمن يحتويك؟
قتيل انا ام شهيد السماء؟
تراهم يعيدون لحن الثناء؟
ويبكون مثلى لطول الفراق؟
تبت يدا ذا الظلام المميت
ايدفن جسدى وحى انا؟
واحظى بجرح يدعو لان00
اموت لادفن حزنى بقبرى
وارثى لروحى التى لم تنم؟
السبت, 24 يونيو, 2006
اطرت نحو اغنيتى
لتنغمسى باوراقى؟
ولا عشق بداخلها
كمحرقة بلا نار
فما كنت الوقود لها
ولا مضمون اشعارى
*************
ظننت ان بها قصصا
لابطال واقدار؟
وحلم يمتطى لحن
واشواق واعذار؟
*************
هنا صحراء جرداء
بلا مجرى لانهارى
وكون لا سماء له
ولا شمس لاقمارى
فعودى حيثما جئت
او ارتعشى لاقدارى
الاربعاء, 21 يونيو, 2006
تصرخ كل المدائن فينا
تصيح الجراح لقتل نبينا
شهدنا الدماء00خشينا الصمود
وكل المساجد لم تحتوينا
*************
زمان احاطنا بالكبرياء
وموت تجسد فيه البقاء؟
رمينا الدفاتر00بعنا المعانى00
ابينا الشهادة صرنا عراه
**************
ودم الاباة يغطى الجباه
ندير الظهور لكى لا نراه
فكيف تلمنى وبالامس قد
قتلنا اخانا بسهم الطغاه؟
***************
تسلنى لماذا امتطانا البلاء؟
وخارت قوانا وضاعت هباء؟
هزمنا لانا تركنا الكتاب
فعدنا نحارب من لا نراه
الخميس, 15 يونيو, 2006
عم السكون لو مين تكون
ما تلاقى صوت لينا هنا
انت وانا وكل الجيران
ضاع الكلام م الالسنه
ع المدنه كان فيه صوت ادان
كتمه الزمن من كم سنه
عارف اننا زى الفيران
وما يجرى شىء لو سمنا؟
يوم الانتخاب بعد العذاب
تقدر تصوت زينا
بنعم ولا؟00طبعا يالا
اصله مخلد عندنا
ماسمعنا شىء غير العصا
للى عصا قضا ربنا
عشنا هنا وحنموت خنا
مستعبدين فى ارضنا
(25_5_2005 )
.
.